A Poi Tuk Ee Mino Hngakchia Te Asi Ko Nain An I Bochan Tu Mi Ral Hmaiton Nak Ah Ram Caah A Nun Nak A Pek

 

A poi tuk ee mino hngakchia te asi ko nain an I bochan tu mi ral hmaiton nak ah ram caah a nun nak a pek may ni 7 in ni 12 tiangah yelaychun ti mi khua te pakhat pawngkam I um khua mi mipi hna sual nak ngei lo a that tu le inn le lo mei in a kangh dih mi thilri vial te a fir dih mi uico ralkap ralhrang hna cu may ni 13 ah an va kah hna bochan mi asi bantuk in hmai a kal nak ah a nun nak a liam hi asi.

A min ah chiankyi ti in mitam deuh nih theih asi I yelaychun peng kip in mipi ralkap bu an I fon nak ah hruaitu ah thim mi pakhat zawng asi mino hngakchia te asi ko nain hruaitu tha a tling mi pakhat bochan ngai ngai mi asi tiah YH nih cun a tarlang hi asi.

Yesacu ti mi peng myiang le yelaycun ah mipi ralkap peng kip fon in kawl ralhrang misual pawl cu hmaiton in kah doh nak cu a chuak hi asi may ni 12 zan lei sangah khan kah doh nak cu a fak kawl ralhrang hna hi 20 nak tlawm lo an thi ti in pengkip fon mipi ralkap sin in thawngthan nak an tuah hi asi.

Kah doh nak ah hliam tuar le thi a tam mi kawl ralhrang hna cu letkhoh ti mi khua te pakhat cu an chuah tak lai ah khua mi inn cu khangh an tim an khangh ah mipi ralkap hna nih ralhrang khua an chuah tak cang rua tiah khua mi inn a kangh dih lai ti in mei phelh an I zuam chuah mah lio ah kawl ralhrang nih cun an rak kah hna hi asi.

Hmaiton in kah doh nak a chuak hriamnam a thlau tuk ruangah hmaiton kah doh nak cu mipi ralkap lei nih zei tin hmanh an cawl cang kho ti lo mg chiankyi cu ralhrang nih an hliam cawlh mipi ralkap hna cu hriamnam chambo ruangah hnu an kir I an hruaitu mg chian kyi pakhat lawng hliam a tuar mi asi i a hliam tuar fak ruangah a nun nak a liam hi asi tiah pengkip fon kanu ralkap ti mi mipi ralkap bu nih cun nizan may ni 15 ah capar an tial hi asi ngeihchiat nak a tong mi chungkhar hna he hmunkhat in nan ngeihchiat nak kan in hrawm hna RIP ti in an tarlang hi asi.

Mah kawl ralhrang hna nih hin april thla dih in sagiang ram then myaing peng  le magway ram then yesacu cun yelaychun ram kulh um khua te kip kal in an tlaih khawh mi mipi hramhram an thah hna inn khua kip an an khangh nak hmun bik si asi khua 10 an khangh nak ah inn 63 reng lo an khangh tiah phoenix ti mi mipi ralkap bu nih cun ca an chuah hi asi.