Australia Laimi Caah Thawngthanhnak.

COVID-19 (Coronavirus) kong thawngthanh
**********************************************

Vawilei ram kip nih buaipi mi COVID-19 zawtnak cu ram ken kip ah a kar chin thluahmah cang. Kan umnak ram Australia zong ah kan Cozah nih mah virus a karhlonak ding ah fak piin ralrin nak a lak cuahmah.

Kan nih Chin miphun zong ralrin tein Cozah thawng thanh ning tein cawlcangh le nawl zulh khawh zuam ve hna uh sih.

Nifa tin te up-to-date thawngpang laknak cu – health.gov.au ah hin a tling bik lai.

A bik in zapi nih kan tuah ding le kan theih a herh mi hna cu a tanglei ah kan rak langhter;

1. Khual tlawn ding in nai timhtuah cia le ticket caw cia na si ahcun a tha bik na plan kha zoh than law, letthan asilo ah na kal nithla hna kha thawn deuh law a tha bik lai. Ram leng na chuah ding nak ram kha tha tein kherhlai ta ah a tha bik.

2. Lau tuk in thilri cawk a hau lai lo. Australia ram cu facang zong a chuahnak ram lawng siloin eidin phun kip chuahnak ram a si caah thin phan ding a si lai lo.

3. Na dam lo deuh ahcun mihmai/mipi sin chuah kha hrial hram ko.

4. Kum 60 cu kan nu le pa hna cu hawi sin chuah le leng chuah hi a hlei in nan hrial deuh le inn chung deuh ah nan um rih a hau ko lai.

5. COVID-19 Zawtnak a hmelchunh hna cu – taksat, khuh, hromfah, thabat, thawchuah i harh deuh, um hmun in taksa fah le cei tak in um, cumpit hnaptawh hna hi an si bik. Ahlei bik in, leng na chuah na vahnak in inn na lawi hnu ni tlawm pal ah na taksa fak tuk le thawchuah na harh tuk ahcun siikhan va fuh ah a tha bik.

6. 15 March zaantim thok in Australia ram a lut mi paoh Ni 14 chung mi he cawhnop loin mah tein mi he ai hlatnak ah um a hau lai. Cu nawl chuah mi buar ahcun Cozah nih cawiliam (fine or penalty) ter a si lai.

7. Leng chuah – michonh biak tikah kuttleih lo ding hi thiamsang hna nih forhfial bik mi a si. Kan kut hi a tam khawh chung in tawl ah a tha bik. Voi khat tawl caan second 20 hi hnur le muai ah a tha bik fawn.

8. Minung 500 tluk cawlcanghnak (pumhnak tal in) tuah lo/hrial ding in Cozah nih forhfialnak a tuah cang.

9. Ni hin ni tiang cu Cozah nih sianginn kar ding tiang cun nawl a chuah rih lo nain kan nih kan umnak Victoria pengkulh cu kan Pengkulh Cozah nih State of Emergency ah a chuah cang.

10. Restaurant kal lo ding. Riantuannak hmun hrial ding tbk cu Cozah nawl chuah mi ah a um lo.

11. Pathian nih a kan pek mi nuhrin theihhngalhnak (common sense) hi hman a herh bik lio caan a si.

12. Mah zawtnak hi direct in hmuh a har ngai mi a si.

Atanglei i kan rak thilchih mi information pawl hi theih tha ngai ngai an si.

Credit : Australia Chin Community – EM