CCUSA Nih Sing 300 Leng Bawmhnak Akuat Mi Cu CCIT Siangcachim Hna Tawlrelnak In Pek Asi Cang.

Kum Thawk Ka Ah Falam Innkang Inn(20) Sinah CCUSA Nih Sing 300 Leng A Bawmh. Tukum thawk January 12 zaan ah Falam lamtonnak pawng i a kangmi inn 20 caah Chin Pawlpi USA(CCUSA) nih 33,333,3000MMK a bawmhmi cu nizaan July 30 ah vanchait tong mi chungkhar sinah CCIT siangcachim hna tawlrelnak in pek a si tiah theih a si.

Tu hi Chin Pawlpi USA(CCUSA) min in harsatnak tong chungkhar pawl sinah a voikhatnak bawmhnak an pek a si. Bawmhnak an pek ning hi dawr ngei le inn rawk,chungkhar 12 hi bawmhnak ngahmi chungin zatuak 30 an pek i inn ngeitu chungkhar 8 hi bawmhnak ngahmi zatuak 70 in an pek hna.

Source: The Chin Post!

Relchap Ding: 

AUNGLA NSANG: Tih mi minung ka ngei lo, mizei paoh rak chuah pi hna uh, ka ngamh dih hna tiah Aung La nih teinak a hmuh bak in midang pawl avun hrocer colh hna!

Aung La Nsang Vs Leandro Ataides karlak MMA raldohnak ah Aung La Nsang nih teinak a hmuh ve cang. Tutan hi Aung La Nsang caah a biapi taktak mi asi bantuk in teinak a hun hmuh tikah lawmhpi lo awk a tha lo. Aung La Nsang cu One Championship ah Taisawmh pahnih Champion tu a rak si. A hohmanh a teitu an um ti lai lo ti lio ah le mipi nih an uartuk saling ah Reinier de Ridder nih voi 2 tiang bak a tei i a taisawm (2) ning in a chuh khawh. Cu caah Aung La Nsang cu Champion Taisawm a thar in dawi tthan dirhmun a hun si ve.

Tuzaan lei aa phomhnak a simi Battle Ground hi a caah a biapi taktak mi asi. A mah zong nih hi Battle Ground tei khawhnak ding ah biatak tein kaa tim, a ruang cu ka caah ah a biapi tuk mi hmailei karhlan nak a si tiah nizaan ah a chim ve. Tuzaan lei an i phomhnak ah Round 1nak ah Aung La Nsang nih Leandro Ataides cu fawi taktak in a tei hi asi. Aung La Nsang nih teinak a hun hmuh than tikah thatho ngai a si, lawmhpi phu taktak a si ko. Kawlram miphun dihlak minthat tertu pakhat a si nak a thar in a hun langhter tthan ti khawh zong a si. Congratulations Aung La Nsang

Credit: LKK Journal!