Hakha siizung in Covid 19 a ngei tiah ruahmi pa a zaam tiah theih asi!

Covid 19 kawng hi tu lio ahcun mipi nih kan hlathlai bik mi le kan buaipi taktak mi asi cio ram dang dang hna ahcun a thi mi le a zawt mi nikhat hnu nikhat an karh lio ah Chin Ram te Pathian nih a kan ven i tutiang zeihmanh thawng theih ding aum lo tiah hnangam tuk in kan um lio ah “MC ThangThang” nih a facebook i a rak tar mi hi ttihnung taktak le ralrin awk ngaingai asi. “Hakha Sizung ah Ramdang(Asean) in a rak tlung mi mizaw pakhat covid 19 a ngei ko tiah lunghrinh mi a dang tein an zoh khenh lio ah, Sizung in a tli” tiah thawng a rak thanh!

Mah hi thawngpang hi a dik taktak mi asi ahcun Covid 19 asi va si pek si lo pek ah, Hakha mipi zong kan i ralrin ngaingai a herh tiah a chim chih fawn. Hnangam tuk i um caan asi ti bak lo tu lio kan boruak cu. Mah hi thawng hi a dik bak mi asi tiah 100 ah 100 confirm mi cu asi lo nain atu bantuk in MC ThangThang nih thawngthanh nak a rak tuah tikah a cang taktak mi hna asi sual ahcun kan rak i ralrin cia nak ah tiah thawng hi kan rak thanh chin mi asi.

MC ThangThang ca thlah mi mi cheukhat nih Comment an pek mi hi a tanglei ah ka rak tar lai rak rel chih ve. 

Joseph Thang: A min? A khua? A chungkhar? Chin State a um chung a tlun inn tibantuk in zulh dawi ahcun ngah ko si. MC Thang Thang: Umm sizung nih an tuah ko lai, Mah caah mipi an lau sual lai tiah an thanh lo i asi lai.

Hakha KUKU: Lau pah kan hau cang! Kan dai thlang tuk! Dam dam tleih zong kan hmang rih. mihmai hnap hnih zong, Haa-thio zong, Hngakchia hmai tawngh le hnamh zong. MC Thang Thang: Umm Si, Mah Thawng a hman tak ahcun, Siizung lei le tuanvo ngei tu nih an thanh colh ko lai tiah ka ruah.

Bawi Pi: Ziah? Sizun nih biatak tein thangpang an thanh ding si cu. A hmanthlak hna an ngeih ahcun hmanthlak he mah pa hi nan hmuh ahcun tiin aupi ding an si cu. Mc Thang Thang: Aw si, Nan mah thawng pang hi a hman tak le tak lo ka chim kho ve lo nan ralrin nak caah ka tar i si.

Credit: MC THANGTHANG