Kalay Thlang Lei Kah Doh Nak A Fak Thlacam Fak Pi Bawmh Cio Hna Uh Si

Tuzing suimilam 10:00 hrawngin kawl ralhrang hna nih fak tuk in an kah hna sagiang ram then kalay myo thlang lei hmun hma cu kawl ralhrang nih ral tuk nak helicopter pathum in an kah hna pin ah bomb tlak nak vanlong 2 in bomb an tlak chap rih hna.

Cun drone in bomb an tlak hna an hlethlai hna hi an kah nak bomb an tlak nak hmun hi ralzam um nak pawngkam asi I ralzam le mipi ralkap ti thleidan lo in an duh nak poah ah bomb an tlak an kah tiah khua mi pakhat sin in theih asi.

Mah bomb an tlak nak pawng um mi ralzam hna um nak hi a luan cia mi kan hnu lei I an khua an luh hnawh hna an inn le lo an khangh mi hna khua lei tlung kho lo in a um mi khua 5 ral an zam nak hmun asi I EKN ti mi bomb cu drone in vansang pi khin an tlak hnawh hna tiah theih asi.

Kalaymyo in tlang lei hmunhma hi kawl ralhrang nih hmunhma an ngeih kho lo nak mipi ralkap nih tam, deuh hmunhma an lak nak hmun asi caah kawl ralhrang nih cun thahruam in tuzing in a kah hi asi.

Bomb a tlak pin ah helicopter pathum in sehmeithal in cat lo in a kah chap rih bomb a tlaknak hmun cu ralzam um nak PDF mipi ralkap um nak di thleidan lo in a kah tiah khua mi nih cun yangonkhat thit thawngzam ah a chim hi asi.