Ralhrang Ruangah Thantlang Khuapi In Ralzam Mi Kum 3 Le A Cheu Hngakchia Pa Te Kong An Tial Mi Cu Ngeih A Chia Tuk Hrinhran Ko

Ruah lo pi in ti tluk khin thantlang khuapi I khua mi hna cu zei thilri hmanh lak man lo in inn le lo cu an chuah tak cu lak ah kan mah chungkhat mi inn chungkhat pakhat an I tel ve cu kan chungkhat hna an fa duh nung tuk mi kum 3 le cheu pa te a um ve.

Ral an zam nak hmun ah cun an phan ka cu hmuh bal lo mi hmunhma lente celh nak tlawnlen nak hmun  thar asi caah nuam a ti tuk I khuaruah har khin a nuam caan a van rau hnu ah cun inn lei tlun lawng lawng cu a thin lung ahmur ka in a chuak cang zangfah nak in ka nu inn lei tlung cang hna uh si tiah a nu hni cu a tlaih peng cang a hawi le sin ah lent e a celh duh ti lo.

A pa nih a fapa a zoh tik ah I sum kho lo in a mitthli cu a tla thlauhmah a fapa te theih sual lai ti in a thli te in a hnawt a fa pa cu a hramthawk ah cun chikhat nuam nak hmun ah kan kal ti khin a hei ruah I chikhat caan te cu naum a ti tuk ko nain caan a van rau deuh hnu ah cun ralzam dir hmun cu a duh ning in thil asi kho ti lo chungkhar khuasa nuam mi le inn tha lo tha in a thanglian mi a si caah ralzam nak hmun ah cun caan sau a um kho ti lo.

Kan inn kan lo cu bomb le mei nih a hrawk dih a kangh dih cang ti theih lo in a mitthlam ah an inn le lo lente a cel nak a tlawnlen nak cu a ngai ruangmang cang nikhat cu a nu rian a tuan cuah mah lio ah inn lei tlung ding in a tah hnawh hna a nu nih cun thil sining cu a chimh ko nain a ngai duh ti lo.

A tap bu cun inn ah tlung ka duh ti in a au cu ni zan lei ah cun lente a celh ton nak khan muka le rua in inn khan an dan mi ah a pu nih cun a va zoh tik ah a hmu ti lo a auh I a let ti lo ralzam sakhan pawngkam vial te an kawl dih an hmuh ti lo khuachung ah an kawl an hmun kho ti lo.

Khua mi hna cu an lau I nau te kawl dingah minung an I khom lu an ri tuk lio ah a nu nih cun mi dang inn tangah an saikal a chia mi cu a lak I thantlang khua lei hawi in mawtaw lam lei cu a pan cawlh khua in meng 2 hrawng a hlat nak ah tiva te kam ah thling kung tangah pe cawhnuk an tuah mi din mi durkhat le a bag te cu thingkung tangah a chiah I a mah cu mitku thaw te in a rak I hngilh ko cu a va hmuh.

A nu nih cun lamhlat nawn khin a hmuh I a theihthiam cawlh caah a thangh sual lai tiah a mawtaw saikal sehthawng cu a hmih I lungkuai ngeichia in afa pa cu a zoh I a tap. A nu nih cun a thangh nak in a hngilh hi a tha deuh ko lo maw a mang ah thantlang khua I a inn te ah zalong te in le nuam te in lente a celh lio hna siseh law a ho nih dah chim kho lai? Crd: pengtut